உலகப் புகழ் பெற்ற முதல் நடிகர் _ சார்லி சாப்ளின்

மவுனப்பட காலத்திலேயே உலகம் முழுவதும் புகழ் பெற்று விளங்கியவர், சார்லி சாப்ளின். சிரிப்புடன் சிந்தனையையும் கலந்து கொடுத்தவர். அவர் நடித்த படங்களின் "விசிடி"கள் இன்றும் எல்லா நாடுகளிலும் விற்பனை ஆகின்றன. சார்லி சாப்ளின் தெற்கு லண்டனில் 1889 ஏப்ரல் 16_ந்தேதி பிறந்தவர்.

சார்லி சாப்ளின் பெற்றோர்கள் மேடைப் பாடகர்கள். ஆயினும் குடும்பம் வறுமையில் வாடியது. அதிகம் படிக்காத சார்லி சாப்ளின், ஐந்து வயதிலேயே மேடை நாடகங்களில் நடிக்கத் தொடங்கினார். சார்லிக்கு 21 வயதான போது, நாடகக்குழு அமெரிக்கா சென்றது.

அவரும் அமெரிக்கா போனார். 1913_ல் "கீ ஸ்டோன்" என்ற கம்பெனி தயாரித்த ஊமைப்படத்தில் முதன் முதலாக சாப்ளின் நடித்தார். படத்தின் பெயர் "மேக்கிங் எ லிவிங்". அதில் அவர் வில்லனாக நடித்தார். அப்படம் வெற்றி பெறவில்லை. "கிட் ஆட்டோ ரேசஸ் அட் வெனிஸ்" என்பது அவரு டைய இரண்டாவது படம்.

அதில்தான் அவர் காமெடி வேடத்தில் நடித்தார். தொள தொள கால் சட்டை, சிறிய கோட்டு, ஹிட்லர் மீசை, சின்னத்தொப்பி, கையில் சிறு தடி _ இத்தகைய "மேக்கப்"புடன் தோன்றி ரசிகர்களை விழுந்து விழுந்து சிரிக்க வைத்தார். பின்னர் இத்தகைய வேடமே அவருக்கு "டிரேட் மார்க்" ஆகியது.

வரிசையாக சார்லியின் வெற்றிப் படங்கள் வெளிவந்தன. ஒரே ஆண்டில் 35 படங்களில் நடித்தார். எல்லாமே வெற்றிப் படங்கள்தான். தி கிரேட் டிக்டேட்டர் (மாபெரும் சர்வாதிகாரி) என்ற படத்தில் ஹிட்லர் வேடத்தில் நடித்தார். 1916_ம் ஆண்டில், வாரம் 10 ஆயிரம் டாலர் சம்பளத்தில் ஒரு படக்கம்பெனியில் சேர்ந்தார்.

படங்களுக்கு கதை, வசனம் எழுதி நடித்தார். பல படங்களை டைரக்ட் செய்தார். உலகப் புகழ் பெற்றார். 1919_ம் ஆண்டில் "யுனைட்டெட் ஆர் டிஸ்ட்ஸ்" என்ற பட நிறுவனத்தை, வேறு சிலருடன் சேர்ந்து கூட்டாகத் தொடங்கினார். படங்களைத் தயாரித்ததுடன், படங்களை விநியோகம் செய்வதிலும் இந்தக் கம்பெனி ஈடுபட்டது.

1931_ல் அவர் நடித்த "சிட்டிலைட்ஸ்" என்ற படம் மிகப் புகழ் பெற்றது. மவுனப் படயுகம் முடிவடைந்து, பேசும் படங்கள் வரத் தொடங்கியிருந்த காலகட்டத்தில் 1936_ம் ஆண்டு "மாடர்ன் டைம்ஸ்" என்ற படத்தை தயாரித்து வெளியிட்டார். அப்படத்தில் மற்றவர்கள் பேசினாலும், சார்லி ஒரு வார்த்தை கூட பேச வில்லை.

அப்படமும் மகத்தான வெற்றி பெற்றது. 1940_ம் ஆண்டு சாப்ளின் தயாரித்த "தி கிரேட் டிக்டேட்டர்" சர்வாதிகாரி ஹிட்லரை கேலி செய்து எடுக்கப்பட்ட படம். ஹிட்லர் வேடத்தில் சாப்ளின் பிரமாதமாக நடித்தார். அவர் பேசி நடித்த முதல் படம் இது. உலகம் முழுவதும் இப்படம் திரையிடப்பட்டு, பெரும் பரபரப்பை உண்டாக்கியது.

1952_ல் அவர் "லைம் லைட்" என்ற படத்தில், சீரியசான வேடத்தில் நடித்தார். சாப்ளின் தன்னுடைய படம் சிறப்பாக அமைய வேண்டும் என்பதற்காக மிகவும் சிரமம் எடுத்துக்கொள்வார். செலவைப்பற்றி கவலைப்பட மாட்டார். "தி கிட்" படத்தில் ஒரு காட்சிக்காக 50 ஆயிரம் அடி படம் எடுத்தார்.

அதில் 75 அடி தான் படத்தில் இடம் பெற்றது. எல்லோரையும் சிரிக்க வைத்த சார்லி சாப்ளினின் திருமண வாழ்க்கை சோகம் நிறைந்தது. முதல் மனைவி மாக்மர்ரே, இரு குழந்தைகளைப் பெற்ற பிறகு சார்லியை விவாகரத்து செய்ததுடன் 10 லட்சம் டாலர் ஜீவனாம்சம் பெற்றார். அடுத்து நடந்த இரண்டு திருமணங்களும் தோல்வியில் முடிந்தன.

பிறகு, "ஓனா_ஓ_நீல்" என்ற 18 வயதுப் பெண்ணை மணந்தார். இந்தப் பெண்ணுக்கு 8 குழந்தைகள் பிறந்தன. இந்த மனைவிதான் சார்லியின் இறுதிக்காலம் வரை அவருடன் வாழ்ந்தவர். சார்லி வெறும் நடிகர் அல்ல. மனித குலத்திற்கு வழிகாட்டிய மேதை.

அதனால்தான், "திரை உலகின் ஒரே மேதை சார்லி சாப்ளின்" என்று பெர்னாட்ஷா பாராட்டினார். இங்கிலாந்து அரசாங்கம் சார்லி சாப்ளினுக்கு "சர்" பட்டம் கொடுத்துக் கவுரவித்தது. 1928, 1972 ஆகிய ஆண்டுகளில் "ஆஸ்கார்" விசேஷப் பரிசு இவருக்கு வழங்கப்பட்டது.

1977 டிசம்பர் 25_ந்தேதி சாப்ளின் மறைந்து விட்டாலும், அவர் நடித்த படங்கள் மூலம் இன்றும் நம்மிடையே வாழ்ந்து கொண்டிருக்கிறார்.

விவேகானந்தர்-ஆன்மிக சிந்தனைகள்

வலிமை பெறுபவன் இவனே!

* ஒருவரிடம் அன்பு இல்லாவிட்டால், அவரிடம் எவ்வளவு கல்வி ஞானம் இருந்தாலும் கடவுளை அடைய முடியாது.
* இறைவனுக்கு உருவமில்லாமல் இருக்கலாம். ஆனால் உருவ வழிபாடு கேலிக்குரியதல்ல.
* தூய்மை, பொறுமை, விடாமுயற்சி ஆகிய மூன்றும் வெற்றிக்கு இன்றியமையாதவையாகும். அத்துடன் இவை அனைத்திற்கும் மேலாக அன்பு இருந்தாக வேண்டும்.
* நீ கடலை கடக்க விரும்பினால் இரும்பைப் போன்று மன உறுதி உன்னிடம் இருந்தாக வேண்டும். மலைகளைத் துளைத்துச் செல்வதற்கு போதுமான வலிமை உனக்கிருக்க வேண்டும்.
* மூடப்பட்டுள்ள கதவை எப்படி தட்ட வேண்டும், எப்படி தேவையானபடி தாக்க வேண்டும் என்பது தெரிந்து கொண்டால் உலகம் தனது ரகசியங்களை வெளியிடத்தயாராக இருக்கிறது. மனதை ஒருமுகப்படுத்துபவனுக்கே வலிமை கிட்டும். உள்ளத்தின் ஆற்றலுக்கு எல்லையே இல்லை.
- விவேகானந்தர்

சென்னை ஹோட்டல்கள்

பிஷர்மேன் கோவ்

மு ன்பு டச்சு கோட்டையாக இருந்த இடம் தற்போது சொகுசு ஓட்டலாக உரப்பெற்றுள்ளது. 88 காட்டேஜ்களைக் கொண்ட இந்த ஓட்டலில் அனைத்து அளைகளிலும் இருந்து கடலைப் பார்த்தது ரசிக்கலாம். ஒவ்வொரு அறைக்கும் தனித்தனியாக தோட்டம் மற்றும் அமர்ந்து ரசிக்கும் இடம் என வடிவமைக்கப்பட்டுள்ளது. விமான நிலயத்திலிருந்து 32 கிலோ மீட்டர் தூரத்தில் உள்ள இந்த ஒட்டல் பகுதியில் பனைமரங்கள் நிறைந்துள்ளன. இங்குள்ள வர்த்தக மையத்தில் ஒயர்லஸ் இன்டர்நெட், கம்ப்யூட்டர் போன்ற வசதிகளும் 400 பேர் அமரத்தக்க மாநாட்டு மண்டபமம் உள்ளது.

Covelong Beach, Kanchipuram District 603 112 Tamil Nadu
(91-4114) 272304/5/6
www.tajhotels.com

சோழா ஷெரட்டான்:

நகரின் மையப் பகுதியில் அமைந்துள்ள சோழா ஷெரட்டான் ஓட்டல், சென்னையில் உள்ள சிறந்த 5 நட்சத்திர ஓட்டல்களில் இது ஒன்று. இந்திய சுற்றுலா கழகத்தின் அங்கீகாரம் பெற்ற முதல் ஓட்டலான இது விமான நிலையத்திலிருந்து 13 கிலோ மீட்டர் தூரத்தில் உள்ளது. இந்த ஓட்டலின் அருகேயே ஷாப்பிங் மற்றும் வர்த்தக மையங்கள் உள்ளன. இந்த ஓட்டலில் 33 சொகுசு அறைகள், 92 சாதாரண அறைகள், சூட்கள் மற்றும் 44 இரட்டை அறைகள் உள்ளன. இந்த இரட்டை அறைகளில் படுக்கை அறை தவிர பார்க்க வரு��ரைச் சந்திப்பதற்கான தனி இடமும் உள்ளது. வர்த்தகம் தொடர்பான சிறப்பான சேவையும் உள்ளது.

Cathedral Road, Chennai - 600 086;
Tel: (91-44) 2811 0101;
www.welcomgroup.com

தி டெரிடென்ட்:

சென்னை விமான நிலையத்திலிருந்து 3 கிலோ மீட்டர் தூரத்தில் அமைந்துள்ள தி டிரிடென்ட் ஓட்டல், ஸ்ரீபெரும்புதூர், மறைமலைநகர், கிண்டி தொழிற்பேட்டை போன்ற வர்த்தக மையங்கள் அருகே அமைந்துள்ளது. 5 ஏக்கர் பரப்பிலான தோட்டப் பகுதியில் அமைந்துள்ள இந்த முதல் தர சர்வதேச ஓட்டலில் 167 அறைகள் உள்ளன. 375 பேர வரை அமரத்தக்க விருந்து மண்டபங்கள், மாநாட்டு மண்டபங்கள் உள்ளன.

முகவரி: /24, G.S.T. Road, Chennai 600 027;
Tel: (91) (44) 2344747

பார்க் ஷெரட்டென்:

நகரின் குடியிருப்பு பகுதியில் அமைந்துள்ள பார்க் ஷெரட்டான் ஓட்டல் அருகே நகரின் பிரதான வர்த்க மையங்கள் உள்ளன. கண்கவர் புல் வெளிகள் மற்றும் நீரூற்றுகளுடன் அமைந்துள்ள இந்த ஓட்டலில் 283 சொகுசு அறைகளும் 38 சூட்களும் உள்ளன. விமான நிலையத்திலிருந்து 11 கிலோ மீட்டர் தூரத்தில் இந்த ஓட்டல் அமைந்தள்ளது. ஓட்டலில் தங்குவோரின் வசதிகளைப் பூர்த்தி செய்யும் வகையில் அனைத்து வசதிகளும் சிறப்பாக செய்யப்பட்டுள்ளன. தொழில் மற்றும் வர்த்தக பணிகளைக் கவனிப்பதற்கான வசதிகள் 94 அறைகளில் உள்ளன.

132, T.T.K. Road, Chennai 600 018;
Tel: (91) (44) 24994101;
www.welcomgroup.com

தாஜ் கன்னிமாரா:

சென்னையில் பாரம்பரிய ஒட்டல்; அரண்மனை போல் தோற்றம் அளிக்கும் இந்த அந்த அளவிற்கு சேவையும் உண்டு. குளுகுளு வசதி கொண்ட 150 அறைகளும் 9 சூட்களும் கொண்ட இந்த ஓட்டல் விமான நிலையத்திலிருந்து 20 நிமிட பயண தூரத்தில் உள்ளது.

Taj Connemara, Binny Road Chennai - 600 002;
Tel: (91-44) 5500 0000;
www.tajhotels.com

தாஜ் கோரமண்டல்:

தென்இந்திய வடிவமைப்பும் ஐரோப்பிய கம்பீரமும் கொண்ட தாஜ் கோரமண்டல் ஓட்டல் விமான நிலையத்திலிருந்து 15 கிலோ மீட்டர் தூரத்தில் உள்ளது. நகரின் மையப் பகுதியில் உள்ள இந்த ஒட்டல், தொழில் அதிபர்களுக்கும் சற்றுலா பயணிகளுக்கும் ஏற்றது. அனைவரின் வசதிக்கும் ஏற்ற 205 அறைகளும் 22 சூட்களும் கொண்ட இந்த ஒட்டலில் 25 பேர் முதல் ஆயிரம் பேர் வரை பங்கேற்கும் வகையில் மாநாட்டு மண்டபங்களும் விருந்து மண்டபங்களும் உள்ளன.

Taj Coromandal 37, Mahatma Gandhi Road, Nungambakkam, Chennai 600 034;
Tel: (91-44) 5500 2827;
www.tajhotels.com

லி ராயல் மெரிடியன்:

பல்லவர் காலத்து கட்டிட கலை நுட்பத்தையும் ஐரோப்பிய கம்பீரத்தையும் வெளிப்படுத்தும் வகையில் அமைந்துள்ள லி ராயல் மெரிடியன் அரண்மனை ஒட்டலில் ஆயிரத்து 500 பேர வரை பங்கேற்கக் கூடிய நடன மண்டபம் உள்ளது. 240 அறைகளும் சூட்களும் கொண்டுள்ள இந்த ஓட்டலில் ஆயிரம் பேர் வரை பங்கேற்பதற்கு வசதியான விருந்து மண்டபங்கள், மாநாட்டு மண்டபங்களும் உள்ளன. விமான நிலையத்திலிருந்து 12 கிலோ மீட்டர் தூரத்தில் இந்த ஓட்டல் உள்ளது

ஓரளவு சொகுசு ஹோட்டல்கள்

அபு பாலஸ்

926, பூந்தமல்லி நெடுஞ்சாலை, சென்னை- 600 084
2641222
www.hotelabupalacechennai.com

அம்பிகா எம்பயர்

72, நூறடி சாலை, வடபழனி, சென்னை- 600 026
23621818

அருணாச்சலா:

1, பார்த்தசாரதி சாலை, முத்தமிழ் நகர், சென்னை- 600 043;
போன்: 28213311;

டீ சீ மினார்:

87, ஜி.என்.செட்டி தெரு, தி.நகர், சென்னை- 600 017;
போன்: 28284411;

கவுதம் மனோர்:

72, மகாத்மா காந்தி சாலை, சென்னை- 600 034;
போன்: 28231885;

கிங்ஸ் பார்க்:

216/ 869, பூந்தமல்லி நெடுஞ்சாலை, ஈ.வெ,ரா பெரியார் சாலை, 9வது தளம், கீழ்ப்பாக்கம், சென்னை- 10;
போன்: 26414243;

மவுர்யா இன்டர்நேஷனல்:

168/169. ஆற்காடு சாலை, வடபழனி, சென்னை- 600 026;
போன்: 23650052;

பிரசிடன்ட் ஓட்டல்:

25, டாக்டர் ராதாகிருஷ்ணன் சாலை, மயிலாப்பூர், சென்னை- 600004;
போன்: 28475661;

ஷெல்டர்:

19, 20, 21, வெங்கடேச அக்ரகாரம், மயிலாப்பூர், சென்னை- 600004;
போன்: 24951919;
www.hotelshelter.com

அம்பா கிறிஸ்டல் இன்:

623, பூந்தமல்லி நெடுஞ்சாலை, அமைந்தகரை, சென்னை- 600029;
போன்: 23741999;

தி செந்தூரி சென்டரல்:

26/27, பி.எச்.சாலை, சென்னை- 600 003;
போன்: 25386647;

பீவர்லி ஓட்டல்:

17, ராஜரத்தினம் சாலை, கீழ்ப்பாக்கம், சென்னை- 600 010;
போன்: 26612772;

தி அம்பாசடர் பல்லவா:

53, மான்டீத் சாலை, சென்னை- 600008;
போன்: 28554476;

அசோக் ரெசிடன்சி:

1/460, பரங்கிமலை- பூந்தமல்லி சாலை, அய்யப்பன்தாங்கல், சென்னை- 600056;
போன்: 24761137;
www.hotelashokresidency.com

தி ரெசிடன்சி

49, ஜி.என்.செட்டி சாலை, தி.நகர், சென்னை- 600 017;
போன்: 112 2825 3434;
www.theresidency.com

அருணா ஓட்டல்

144, ஸ்டெர்லிங் சாலை, சென்னை- 600 034;
போன்: 2825 9090;

ஜிஆர்டி கிராண்ட டேஸ்

120. சர்.தியாகராஜர் சாலை, பாண்டி பஜார், தி.நகர், சென்னை- 600 017;
போன்: 2815 0500;
www.grthotels.com

தமிழில் வெளியான முதல் பேசும் படம் _ "காளிதாஸ்"

அரிச்சந்திரா" படத்தின் மூலம் பால்கே அடைந்த வெற்றியைப் பார்த்து, படத்தயாரிப்பில் ஈடுபட வேண்டும் என்ற ஆர்வம் இந்தியா முழுவதும் பலருக்கு ஏற்பட்டது. இப்படி சினிமா மீது ஆர்வம் கொண்டவர்களில் ஒருவர் ஆர்.நடராஜ முதலியார்.

சென்னையைச் சேர்ந்த இவர், மோட்டார் வியாபாரம் செய்து வந்தார். சென்னை கீழ்ப் பாக்கம் மில்லர்ஸ் ரோட்டில் ஒரு பங்களாவை வாங்கி ஸ்டூடியோவாக மாற்றி அமைத்தார். "இந்தியா பிலிம் கம்பெனி" என்ற பெயரில் படத் தயாரிப்பு நிறுவனத்தைத் தொடங்கினார்.

டி.பி.ராஜலட்சுமி, "சீமந்தனி" என்ற படத்தில் நடித்தார். படப்பிடிப்பின்போது அவரை அமெரிக்க டைரக்டர் மைக்கேல் ஓமலேவ் சந்தித்தார். அப்போது எடுக்கப்பட்ட படம் இது. மகாபாரதத்தில் இருந்து "கீசக வதம்" என்ற கதையை தேர்வு செய்து, படத்தயாரிப்பில் இறங்கினார்.

படத்தின் கேமராமேன், டைரக்டர், எடிட்டர் எல்லாமே அவர்தான். 37 நாட்களில் படம் முடிவடைந்து, 1916_ம் ஆண்டு ரிலீஸ் ஆகியது. தென்இந்தியாவில் தயாரிக்கப்பட்ட முதல் திரைப்படம் (ஊமைப்படம்) இதுதான். "கீசக வதம்" தமிழ்நாட்டில் மட்டும் அல்லாமல் பர்மா, மலேயா, முதலிய வெளிநாடுகளிலும் திரையிடப்பட்டது.

ரூ.35 ஆயிரம் செலவில் தயாரிக்கப்பட்ட இப்படம் ரூ.50 ஆயிரம் வசூலித்துக்கொடுத்தது. அதாவது நடராஜ முதலியாருக்கு கிடைத்த லாபம் ரூ.15 ஆயிரம். இது அக்காலத்தில் பெரிய தொகை. கீசக வதத்தைத் தொடர்ந்து "திரவுபதி வஸ்திராபரணம்" என்ற படத்தை தயாரித்தார், நடராஜ முதலியார்.

இதுவும் மகாபாரதத்தின் ஒரு பகுதிதான். அதாவது, திரவுபதியை துச்சாதனன் துகில் உரியும் காட்சியை மையமாகக் கொண்ட படம். இந்தக் காட்சியில் நடிக்க தமிழ்ப்பெண்கள் யாரும் முன்வரவில்லை. "அம்மாடி! எங்கள் சேலையை துச்சாதனன் உருவினால் எங்கள் மானம் போய்விடும்! நாங்கள் நடிக்க மாட்டோம்" என்று ஓட்டம் பிடித்தனர்.

இதனால் ஒரு ஆங்கிலோ இந்தியப் பெண்ணை திரவுபதியாக நடிக்க வைத்தார், நடராஜ முதலியார். 1918_ம் ஆண்டில் வெளிவந்த இந்தப்படமும் வெற்றிகரமாக ஓடியது. பின்னர் லவகுசா (1919), ருக்மணி சத்யபாமா (1920), மார்க்கண்டேயா (1922), மயில் ராவணா (1923) ஆகிய படங்களை இவர் தயாரித்தார்.

இந்நிலையில், அவருடைய ஒரே மகன் இறந்து போனார். சினிமா ஸ்டூடியோவில் தீ விபத்து ஏற்பட்டது. இதனால் மனக் கஷ்டமும், பண நஷ்டமும் ஏற்பட்டு, படத்தொழிலை விட்டு நடராஜ முதலியார் விலகினார். மீண்டும் மோட்டார் தொழிலில் ஈடுபட்டார்.

சினிமாத் தொழிலின் ஆரம்ப காலத்தில் சாதனை புரிந்த நடராஜ முதலியார், பிற்காலத்தில் பொருளாதார ரீதியில் சிரமப்பட்டு காலமானார். முதல் ஸ்டூடியோ சென்னையில் முதல் சினிமா தியேட்டரை கட்டிய வெங்கையா, திரைப்படத் தயாரிப்பில் ஈடுபட விரும்பினார். அவருக்கு துணை புரிய அவர் மகன் பிரகாஷ் முன்வந்தார்.

தந்தையின் யோசனைப்படி, லண்டனுக்குச் சென்று திரைப் பட நுணுக்கங்களை கற்று வந்தார். பின்னர், சென்னை புரசைவாக்கத்தில் தன் தந்தையின் "ஸ்டார் ஆப் தி ஈஸ்ட்" பிலிம் கம்பெனிக்காக ஒரு சினிமா ஸ்டூ டியோவை ரூ.1 லட்சம் செலவில் அமைத்தார். சென்னையில் அமைக்கப்பட்ட முதல் ஸ்டூடியோ இதுதான்.

இந்த ஸ்டூடியோ வேப்பேரியில் ஆரம்பித்து, கீழ்ப்பாக்கம் (தற்போது சங்கம் தியேட்டர் இருக்கும் இடம் வரை) பரந்து விரிந்திருந்தது! இந்த ஸ்டூடியோவில் தயாரிக்கப்பட்ட முதல் படம் "பீஷ்ம பிரதிக்ஞா". (பீஷ்மரின் சபதம்) இந்தப் படத்தின் திரைக்கதை, ஒளிப்பதிவு, எடிட்டிங், டைரக்ஷன் ஆகிய பொறுப்புகளை பிரகாஷ் கவனித்தார்.

1922_ம் ஆண்டு ரூ.12 ஆயிரம் செலவில் தயாரிக்கப்பட்ட இப்படம், ரூ60 ஆயிரம் வசூலித்துக் கொடுத்தது. முதல் படத்தில் வெற்றி கண்ட பிரகாஷ், பின்னர் தயாரித்த படங்கள் தோல்வி அடைந்தன. அதனால் ஏற்பட்ட நஷ்டத்தை சமாளிக்க முடியாமல் ஸ்டூடியோவை மூடினார், பிரகாஷ். "பீஷ்ம பிரதிக்ஞா" படத்தில் கிருஷ்ணன் வேடத்தில் நடித்தவர் ஏ.நாராயணன்.

கல்லூரியில் படித்துப் பட்டம் பெற்றவர். அவர் பின்னர் பட அதிபராக உயர்ந்தார். தர்ம பத்தினி (1929), ஞானசவுந்தரி (1929), கஜேந்திர மோட்சம் (1930), கருட கர்வ பஸ்கம் (1930), கோவலன் (1930) .... என்று வரிசையாக பல படங்களைத் தயாரித்தார்.

சென்னையின் முதல் ஸ்டூடியோவை அமைத்த பிரகாஷ் இவருடைய நண்பர். எனவே, சில படங்களை டைரக்ட் செய்யும் வாய்ப்பை பிரகாஷ் பெற்றார். இந்த சமயத்தில்தான், ஊமைப்படயுகம் முடிவடைந்து, பேசும் பட யுகம் தொடங்கியது.

இந்தியில் முதல் பேசும் படத்தை தயாரித்த பம்பாய்க்காரர் அர்தேஷ் இரானி, பிற மொழிகளிலும் படம் தயாரிக்க விரும்பினார். தமிழிலும், தெலுங்கிலும் படம் தயாரிக்க முடிவு செய்த அவர், ஒரே கல்லில் இரண்டு மாங்காய்களை அடிக்கத் தீர்மானித்தார்! எப்படியென்றால், தமிழ் நாடக மேடைகளில் புகழ் பெற்று விளங்கிய டி.பி.ராஜலட்சுமியை கதாநாயகி வேடத்துக்கு ஒப்பந்தம் செய்தார்.

தெலுங்கு நடிகர் ஒருவர் தான் கதாநாயகன்! கதாநாயகி தமிழில் பேச, கதாநாயகன் தெலுங்கில் பேசினார்! தமிழ், தெலுங்கு ஆகிய இரு மொழிகளுக்கும் முதல் படம் "காளிதாஸ்"தான். படத்தை டைரக்ட் செய்தவர் எச்.எம். ரெட்டி. 1931_ம் ஆண்டு அக்டோபர் 31_ந்தேதி, சென்னையில் "கினிமா சென்ட்ரல்" தியேட்டரில் "காளிதாஸ்" ரிலீஸ் ஆகியது.

முதல் தமிழ் பேசும் படத்தைக் காண, ரசிகர்கள் கூட்டம் அலை மோதியது. (கினிமா சென்ட்ரல்" தற்போது "முருகன் டாக்கீஸ்" என்ற பெயரில் இயங்கி வருகிறது. இந்தியாவின் முதல் பேசும் படமான "ஆலம் ஆரா"வும் இங்குதான் திரையிடப்பட்டது.) புராணத்தில் இடம் பெற்றுள்ள மகாகவி காளிதாஸ் கதை தான், இப்படத்தின் கதை.

ஆனால், "ராட்டினமாம் _ காந்தி கை பாணமாம்" என்ற தேசபக்தி பாடல் இதில் இடம் பெற்றிருந்தது! (சுதந்திரப் போராட்ட காலத்தில், புராண நாடகங்களிலும், படங்களிலும் தேச பக்தி பாடல்களை நுழைத்து விடுவார்கள்! நாடக மேடையில், மயில் மீது உட்கார்ந்திருக்கும் முருகன், "கதர்க்கப்பல் கொடி தோணுதே" என்பது போன்ற பாடல்களைப் பாடிய சம்பவங்கள் நிறைய உண்டு.)

கதாநாயகி தமிழில் கேட்ட கேள்விகளுக்கு, கதாநாயகன் தெலுங்கில் பதில் கூற, இந்த இரு மொழிகளும் தெரியாத துணை நடிகர்கள் இந்தியில் பேசினார்கள்.